E whakawhitia ana ki a mātou te mana whakahaere i ngā kāmera haumaru pūmau mai i ngā Pirihimana o Aotearoa. Ka tuku pānui takahitanga ngā Pirihimana mai i ngā kāmera haumaru e 62 me ngā kāmera rama whero e 47 huri noa i te motu.
Ka riro mā mātou te whakahaere me te tuku pānui takahitanga mai i ngā kāmera haumaru. Ka whakahaeretia tonutia e ērā atu Mana Whakahaere Huarahi (RCA) ā rātou kāmera rama whero, ā, mā mātou ngā pānui takahitanga e tuku.
Ka whakawhitia hoki ki a mātou te haepapa mō ngā kāmera kawekawe mai i ngā pirihimana a te tau 2025.
E hiahia ana mātou kia kite te iwi i ā mātou tohu, kia āta haere mēnā e tika ana, ā, kia whai hoki i tā ngā rama whero ka tohu ai.
Ka noho tohu-kore tonu ngā kāmera kawekawe. E ai ki ngā rangahau ka nui ake te haumarutanga o ngā huarahi i te whakamahinga tahitanga o ngā kāmera haumaru me ērā e noho tohu-kore ana, tērā ki te whakamahinga o tētahi o aua momo nahenahe.
Ngā tohu rohe kāmera haumaru – he kōrero anō
Safety camera area signs – more information
He maha ngā wāhi tū ai ngā kāmera pirihimana kua roa e tū ana, nō te tau 2014 rā anō. Me whakahou ētahi o ngā wāhi e haumaru ake ai mō ngā kaimahi. Ka taea pea he ara hīkoi, he tūnga waka, he tauārai rānei te whakauru.
Ka āta whakamātauhia ngā kāmera i mua i te whakamahi ki tō mātou whatunga. Mā ngā rōpū kē atu ngā whakamātautau, ā, ka whakapūmauhia ki ngā tiwhikete.
Te whakamātautau me te whakapūmau i ngā kāmera haumaru
Safety camera testing and certification
I te wā ka whakawhitia ki a mātou he kāmera mai i ngā pirihimana, ka tukuna e mātou ngā pānui takahitanga kāmera haumaru mai i taua kāmera.
Ka tuku tonu ngā pirihimana i ngā pānui takahitanga mō ērā hara ka kitea e rātou.
Ngā pānui takahitanga me ngā hāmenetanga kāmera haumaru
Our safety camera notices and penalties
Mai i te Hūrae 2024 ka nui haere ā mātou mahi whakawhiti.
Mai i te mutunga o Hūrae ki te Tīhema 2024 ko te whāinga ia kia whakawhitia e mātou e 25 ngā wāhi kāmera haumaru pirihimana. Ko te nuinga o ēnei kei Tāmaki Makaurau, ā, he iti ake kei Te Taitokerau me Waikato.
Ko te nuinga o ngā mahi ka mahia ki te taha tonu o te huarahi, ā, he iti noa te pānga ki ngā kainoho me ngā kaitaraiwa. Mēnā ka whakapaetia ka tino whakararua tēnei hunga e ēnei mahi, ka whakamahia e mātou ngā tohu hiko hei whakamōhio atu ki te hunga kei taua rohe.
Ka panonitia ā mātou mahere mahi i runga i ngā pānga pēnei i te wātea mai o ngā kaikirimana me te āhua o te huarere.
Kia tīmata ai ngā mahi, ka whakatairanga pānui whakamōhio mātou ki te iwi mō te ahunga whakamua o ngā mahi. Hei tauira, ngā wāhi kua whakatūria ngā tohu, mehemea hoki e hangahanga tonu ana, e whakamātauria ana rānei tētahi wāhi.
Hei tirotiro i ā mātou ahunga whakamua, haere ki:
Ngā wāhi kāmera me ngā kōrero mō te ahunga whakamua
Camera locations and progress updates
